ஐந்தாம் வகுப்பு வரை சின்ன கான்வெண்ட்டில் ஆனா ஆவன்னாவோடு நாவினிக்க தமிழ் மீடியத்தில் படித்தேன்.
“தம்பி.. நேஷனல் ஸ்கூல்ல ஆறாவது இங்லீஷ் மீடியத்துல சேர்ந்துக்கோடா...."
"இல்லயில்லை.. இங்கிலீஷா... ஆளை விடு எனக்கு பயம்மா இருக்கு...”
“ச்சே..ச்சே.. அப்பா..இவனை இங்கிலீஷ் மீடியத்துலேயே சேர்த்துவிடு....”
தமிழ் மீடியத்திலிருந்து இங்கிலீஷ் மீடியத்திற்கு ஆர்.வி.எஸ் upgraded.
இளங்கலை இயற்பியல் பட்டம் வாங்கிய பிறகு வந்த சென்னை விஜயத்தில் மூவாயிரத்து ஐநூறு ரூபாய்க்கு ஒரு கம்பெனியில் வேலை கிடைத்தது.
“கீர்த்தி... எனக்கு ஒரு வேலை கிடைச்சிருக்கு.."
"போடா.. போடா.. இப்ப என்ன வேலைக்கு அவசரம்.. எம்சிஏ படிடா..”
பிஎஸ்ஸி ஃபிஸிக்ஸிலிருந்து எம்.சி.ஏவுக்கு ஆர்.வி.எஸ் upgraded.
“மில்லீனியமா இருக்கு...இந்த வருஷமே தம்பிக்கு கல்யாணம் பண்ணிடலாம்..”
பிரம்மச்சரிய ஆஸ்ரமத்திலிருந்து கிரஹஸ்தாஸ்ரமத்திற்கு ஆர்.வி.எஸ் upgraded.
இதுவரை நீங்கள் படித்தது இப்பொழுது எழுதப்போகும் ஸ்டேட்டஸிற்கு முன்னுரை.
Status
--------
வாழ்நாளில் பலமுறை என்னை upgrade செய்த என் அக்கா என்னுடைய அக்காஃபோனாகிய ஐஃபோனை ஐந்திலிருந்து ஆறுக்கு இன்று upgrade செய்தாள்.
--------------
அக்கா.. இல்லையில்லை.. upgraded அம்மா..
