”Baby, I am perfect for you"
"Baby... I am perfect for you"
"என்னடி பாட்டு இது?... பாக்கி பேருக்கெல்லாம் அவன் imperfectஆ? ”
“ப்பா.. ஒனக்கு இதெல்லாம் புரியாது... இந்தா கேளு....”
கீழே க்ளிப் போட்டுக்கொண்டு கண்ணில் நீர் வழியக் கதறுபவர்களைக் கேட்டால் எனக்கு அலர்ஜி. ஐஃபோனிலிருந்து முளைத்திருந்த இயர் ஃபோனை என் காதில் சொருகியதும் மேற்கண்ட வரிகளைப் பாடித் துடியாய்த் துடித்தான் ஒரு இளைஞன். அகண்ட நாம பஜனை போல நடக்கும் போதும் படிக்கும் போதும் ஸ்கூல் பஸ் ஏறும் போதும் மானஸா முணுமுணுத்துக்கொண்டிருக்கிறாள்.
“குட்டி... என்னடி ஆல்பம் இது?”
“One direction... சொன்னேன்ல உனக்குப் புரியாதுன்னு...”
“ஓ.. பேபின்னு யாரைச் சொல்றான்... அவனோட பொண்ணையா? அவன் அம்மாவையா?”
“பேபின்னா.. உங்கூர்ல பொண்ணா? அம்மாவா?.. ஐயே... அது அவனோட லவ்வர்...”
“லவ்வரா? உன்னை நானு அப்பப்ப பேபின்னு கூப்பிடுவேன்ல... “
”ப்பா... பயங்கர ஜோக்கு.. எல்லோரும் சிரிங்கப்பா... “
“இல்லைம்மா.. பேபின்னா லவ்வரா இருக்கணும்னுல்ல.... திருனவேலி பக்கம் நிறையா பேருக்கு அம்மாவா இருந்தாலும் பேபிதான்... பொண்ணா இருந்தாலும் பேபிதான் பேரு.. உங்கம்மாவ வேணா கேட்டுப்பாரு...அப்படிதான் பேரு வச்சுக் கூப்டுவாங்க...”
“ப்பா.. மரண மொக்க போடாதே... நீ அம்மாவை பேபின்னு கூப்டதில்லே...சொல்லு.. ”
“ச்சே.ச்சே... நீ பக்கத்துல நின்ருப்ப... உன்னை பேபின்னு கூப்ட்ருப்பேன்... ”
”Love and Love only" புத்தகத்தை ஷாலினியும் விஜய்யும் ஒரே சமயத்தில் கையிலெடுத்து கண்களால் காதலைப் பரிமாறிக்கொள்ளும் காதலுக்கு மரியாதை “ஓ.. பேபி..பேபி...” பாட்டு எனக்கு மட்டும் மனசுக்குள் கேட்டது. கண்ணை மூடிக்கொள்ளுங்கள். உங்களுக்கும் கேட்கலாம்!
0 comments:
Post a Comment