Friday, August 19, 2016

மகளிடம் மண்டியிடு

ராத்திரி எப்போது வீட்டுக்குள் நுழைந்தாலும் ஸ்கூட்டியை எடுத்துக்கொண்டு ஒரு சுற்று வருவதற்கு எதாவது ஒரு வேலை வைத்திருப்பாள் சின்னவள்.
“அப்பா... பௌச் வாங்கிண்டு வரலாம் வா...”
“ஊஹும்.. நிறையா வாங்கிக்கொடுத்தாச்சு... போதும்...”
“இன்னிக்கி எனக்கு பர்த்டே... ராத்திரி வேற கேட்டுட்டேன்... ராத்திரி என்ன கேட்டாலும் கொடுத்துடணும்னு பாட்டி சொல்லுவா...”
கிழவி மாதிரி பேச்சு. பெரிய மனுஷாள் தோரணை வேறே...
மங்கலான வெளிச்சத்தில் ஸ்டேஷனரி ஷாப். காலை எட்டிலிருந்து இரவு பத்து மணி வரை ஷட்டர் ஏற்றியிருக்கும் கடை. ஓனர் களைத்துப்போய் ஒன்றிரண்டு காண்பித்தார்.
”ட்ரான்ஸ்பேரண்ட்டா வேணும்.. வேற கலர்..” வகைகளை அடுக்க ஆரம்பித்தாள்.
“ட்ரான்ஸ்பேரண்ட்ல என்னடி கலர்?”
“ஓரத்து பார்ட்ர்ல.... ஜிப்கிட்டே... இதெல்லாம் உனக்குப் புரியாதுப்பா”
“இதுல புரிய என்ன இருக்கு?”
“நீ சும்மா இரு.. செலக்ட் பண்றேன்... காசு மட்டும் குடு..”
பெற்ற பெண்ணிடம் அடிபணிவதில் வரும் சுகம் அலாதியானது. கட்டிய பெண்ணிடம் கீழ்ப்படிந்து நடப்பதிலும் க்ஷேமம் ஏற்படும் என்பது கிரஹஸ்தர்களின் பாலபாடம்.
ஒன்றைத் தேர்ந்தெடுத்து, காசு கொடுத்துவிட்டு, வீட்டிற்கு திரும்பும் போது
“தாங்க்ஸ் ஃபார் தி கிஃப்ட்” என்று கண்ணடித்தாள்.
சொக்கிப்போனேன்.
தீர்க்காயுஷ்மான் பவ மானஸா!

1 comments:

வெங்கட் நாகராஜ் said...

Thanks for the Gift!

மகளைப் பெற்ற மகராசன். மானசாவிற்கு வாழ்த்துகள்...

ஆடிய பிற ஆட்டங்கள்

Related Posts with Thumbnails